Oia

Fronte á inmensidade do Atlántico, rodeada de costas escarpadas, descubrirás Oia. Un lugar cheo de recunchos por descubrir no que a historia, a auga, o mar, a montaña, a gastronomía e as tradicións se mesturan para deixar un gran sabor de boca..

Comeza o teu paseo visitando o mosteiro de Santa María de Oia, o único mosteiro circense de toda Europa situado ao pé do océano, e os seus arredores: mergúllate nas estreitas rúas da zona histórica e descubre espazos únicos cheos de historia. Unha viaxe ao pasado que podes continuar cun percorrido polos seus numerosos castros e gravados rupestres.

As pozas de auga fresca e cristalina que se forman nos numerosos ríos que pasan pola localidade ofreceranche un lugar único en plena natureza para gozar durante todo o ano. Continúa o paseo pola montaña perdéndote no bosque mediterráneo máis occidental de Europa, as Sobreiras do Faro, o primeiro Espazo Privado de Interese Natural de Galicia, ou relatándote en plena natureza polas serras da Groba e O Argallo.

Pon a vista no mar subindo da Cadeira do Rei Sol ou dende o espectacular faro de cabo Silleiro, un lugar máxico dende o que gozar dunhas impresionantes vistas da cara exterior das illas Cíes. Mestúrate cos peregrinos percorrendo un tramo do Camiño Portugués da Costa ao seu paso por Oia, un tramo de dificultade baixa no que sempre te acompañará a brisa mariña e o olor a salitre.