Unha imaxe vale máis que mil palabras, máis se se contempla dende os nosos miradoiros. Unha paisaxe que se queda gravada na retina dos visitantes, que o namora do noso territorio e da nosa historia.
Desde o primeiro lustro de nosa era existía unha comarca no suroeste de Galicia que se coñecía como Turonium. A súa extensión era bastante grande e comprendía, segundo os poucos indicios existentes, as comarcas do Baixo Miño, o Val Miñor e a de Vigo. Pénsase que a capital podería estar nos montes de Oia ou nos seus arredores, aínda que tamén hai quen di que se situaría onde hoxe temos a cidade de Tui ou no monte Aloia.
Moitos son os restos de castelos que quedaron na provincia de Pontevedra, castelos que defendían os vales e os camiños desde altos miradoiros onde se avistaba unha gran panorámica. Uns atopábanse no interior da provincia para dominar os vales e outros, en montes rochosos sobre a costa para vixiar as incursións por mar.
Este é un percorrido por estes miradoiros desde os que, na actualidade, contemplamos algunhas das vistas máis fermosas das Rías Baixas e que, hai dous mil anos, eran castelos que vixiaban unha das portas de entrada do comercio máis concorridas da península ibérica.