Buscar
Pazos de Borbén cativarate coas súas pequenas construcións con encanto e cos seus interesantes conxuntos arquitectónicos que falan de espiritualidade, tradicións e das formas de vida dun mundo rural.
Paseando pola localidade atoparás multitude de fermosas igrexas dos séculos XVI ao XVIII, algunhas levantadas sobre restos de construcións románicas; con pequenos adros e cemiterios, con espectaculares traballos en pedra nos seus panteóns; con petos de ánimas do s. XVIII, de grande interese etnográfico e histórico; con centos de hórreos ben conservados, que dan fe dun pasado agrícola recente, e mesmo cun foxo de lobos, unha curiosa construción que se utilizaba antigamente para a caza destes animais.
La historia continúa en Pazos co gran número de restos arqueolóxicos que alberga, un dos grandes tesouros cos que sorprende a todos os visitantes. En Amoedo, Borbén, Cepeda e Moscoso poderás atopar xacementos de distintas franxas cronolóxicas, como os que van desde o ano 3000 ao 1800 antes de Cristo ou os datados en plena Idade de Bronce.
Aínda que se algo chama a atención desta localidade é a súa cultura da auga. Os seus ríos están cheos de pasos, muíños, canles ou construcións de enxeñería popular que deixaron un espectacular patrimonio etnográfico. E, nun contorno rural, non poderás marchar sen vivir a súa natureza, con rutas de sendeirismo, como a da Fraga do Barragán. Anímaste?
Máis información
