As pedras, a través dos seus nomes, fálannos de feitos históricos e culturais, do modo de ser e sentir, das súas crenzas e do seu modo de vivir e interpretar o mundo que o rodea ao longo da súa historia.
Galicia está feita de moles graníticas con formas caprichosas, modeladas pola natureza unhas, outras con historias, cultos e ritos que propiciaron que os nosos antepasados as bautizasen con nomes que responden a motivacións de todo tipo, desde as características físicas, o estado en que se atopan, as súas propiedades, a súa funcionalidade ou polo simple afán de buscar unha explicación racional a algo que eles consideraban sobrenatural.
As pedras en Galicia teñen vida e falan, falan dunha realidade que non está escrita, que non está documentada, tan só está pronunciada.
Percorrémolas?