Mos

Prepárate para coñecer Mos, terra de muíños, todos eles cheos de historia e de historias. Algúns con máis de 300 anos de antigüidade, outros máis recentes, pero todos en lugares de gran beleza. Pero non só ofrece natureza.

Mos tamén é cultura, patrimonio e arquitectura, como demostra o pazo dos marqueses de Mos, construído no século XVII e no que xa se encontra o escudo da Casa de Mos, que no XIX dá orixe ao actual emblema municipal.

Pasea polas súas rúas para trasladarte aos séculos XI e XII coas súas igrexas de estilo románico ou visita o castro de Torroso, situado nun lugar privilexiado, abríndose a modo de anfiteatro cara ao sur e protexido polos montes do Galleiro e a serra do Galiñeiro. Cerca do xacemento encontrarás abundantes mananciais e cursos de auga.

Percorre as numerosas rutas que ofrece esta localidade: o sendeiro do monte Salgueirón, con formacións vexetais autóctonas, altas montañas de rochas espidas e aldeas dispersas; a ruta dos muíños, cargados de beleza e historia; ou o sendeiro dos dolmens, con máis de 15 pezas megalíticas. E, como non, do tramo do Camiño de Santiago portugués que atravesa Mos.